22 октябрьгә сынамышлар

22 октябрьдә нишләргә ярамый?
Бер үк вакытта берничә эшкә тотынырга киңәш ителми, әмма ялкауланырга да кирәкми.
Беренче танышу, яки сөюеңне аңлату өчен бу көн туры килми, чөнки мөнәсәбәтләр озакка сузылмаячак.
Төшләреңнең эчтәлеген кемгә дә булса сөйләү кирәкмәс, югыйсә, яхшылары тормышка ашмаячак, ә начарлары, киресенчә, тормышка ашачак.

Бүләксез яисә тәм-томсыз кунакка килү — начар билге, чөнки бу матди кыенлыклар тудырырга мөмкин.
Иске рәнҗүләрне искә төшерү дә кирәкмәс, югыйсә, үткәндәге күңелсезлекләр яңадан тормышта чагылачак.
Ачуланышу, сүгенү һәм балаларга ачулану тыела, чөнки бу күңелсезлекләр белән яный.

22 октябрьгә һава торышы сынамышлары.
Иртәнге яңгыр кичке буран буласын күрсәтә.
Кар юеш туфракка яуса, киләсе елда уңыш бик аз булачак.
Әгәр карагай ылыслары коелып өлгермәгән икән, димәк, җиргә кар иртә ятачак.
Суганның калын кабыгы булачак кышның салкын булуын күрсәтә.
Чияләрнең яфраклары калган булса — көз көне әле бик җылытып алачак.

Фото: татар-информ