Табиб йөрәк тибешенең куркыныч билгеләрен атады.
Кинәт бик тиз яки даими булмаган йөрәк тибеше, бигрәк тә күкрәк авыртуы, сулыш кысылуы, баш әйләнү яки аңны югалту кебек симптомнар медицина ярдәме таләп итәргә мөмкин.
Белгеч сүзләренчә, вакыт-вакыт көчле йөрәк тибеше яки аның өзелүен сизү гадәттә җитди проблема билгесе түгел. Әмма йөрәк кинәт кенә гадәти булмаганча тиз тибә башласа яки ритм бозылулар еш кабатланса, табибка мөрәҗәгать итәргә кирәк.
Йөрәкнең даими рәвештә тибешләрне үткәреп җибәрүен табиб хәвефле билге дип атады. Түбәндәге симптомнарга игътибар итү аеруча мөһим. Күкрәктә авырту яки басым, һава җитмәү, көчле баш әйләнү яки йөрәк тибеше ешаю фонында аңны югалту йөрәк эшчәнлегенең бозылуын күрсәтергә мөмкин.
Мондый симптомнар, аерым алганда, йөрәк алды фибрилляциясе – тромблар, инсульт һәм йөрәк җитешсезлеге барлыкка килү куркынычын арттыра торган ритм бозылу белән бәйле булырга мөмкин. Йөрәк алды фибрилляциясе вакытында йөрәкнең өске камералары (йөрәк алды) хаотик рәвештә һәм бик тиз кыскара башлый (минутына 350–700 тибү). Көйләнгән кыскару урынына җемелдәүне хәтерләткән тәртипсез йөрәк тибеше барлыкка килә.
Күкрәктә авырту, тын кысылу яки аң югалту очрагында ашыгыч медицина ярдәме чакырырга кирәк.
Фото: татар-информ
Нет комментариев