Грипп – җитди йогышлы авыру, ул төрле катлаулануларга китерергә мөмкин. Авырудан саклануның иң нәтиҗәле ысулларының берсе – вакытында вакцина ясату.
Вакцина организмда алдан иммунитет формалаштырырга ярдәм итә, йогышлы авыруны эләктерү һәм авыруның авыр формада узу куркынычын киметә.
Кайда прививка ясатырга?
Өлкәннәр өчен вакцинация 306нчы кабинетта эш көннәрендә 8:00дән 18:00гә кадәр үткәрелә.
Балалар 205нче кабинетта (балалар консультациясе) эш көннәрендә 8:00дән 16:00гә кадәр прививка ясата ала.
Моннан тыш, вакцинацияне Новозареченск һәм Поповка табиблык амбулаторияләрендә, шулай ук районның фельдшер-акушерлык пунктларында (ФАП) узарга мөмкин.
Нинди вакциналар бар?
- өлкәннәр өчен – «Флю-М»;
- йөкле хатын-кызлар өчен – «Ультрикс-КВАДРИ»;
- балалар өчен – «Совигрипп», «Ультрикс-КВАДРИ».
Вакцинация бушлай үткәрелә.
Белгечләр прививканы алдан ясатырга киңәш итә. Вакцинадан соң саклагыч антитәнчекләр якынча 10–14 көндә формалаша.
Прививка ясатырга килгәндә паспорт, мәҗбүри медицина иминияте полисы, СНИЛС һәм амбулатор карта булырга тиеш. Инъекция алдыннан поликлиникада табиб яки фельдшер тарафыннан медицина тикшерүе үткәрелә.
Гриппка каршы вакцинация өчен иң кулай чор – сентябрь–октябрь айлары. Бу вакытта организм вирусның сезонлы таралуы башланганчы иммунитет формалаштырып өлгерә.
Нет комментариев