Кызылъяр авылының “Асылташ” хореография коллективы халыкара конкурста тагын призлы урын алган.
Коллектив “Изумрудный дождь” балалар һәм яшьләр иҗаты халыкара фестиваль-конкурсында “Хореография. Ансамбль. Халык биюе” номинациясендә II дәрәҗә лауреат исеменә лаек булган.
“Асылташ” җитәкчесе Илсөяр Дәүләтшина “Баулы-информ” редакциясенә хәбәр иткәнчә, конкурс читтән торып үткәрелгән. Коллектив анда “Чиләк-көянтә” композициясе белән катнашкан.
Коллективка – II дәрәҗә лауреат дипломы, Илсөяр Дәүләтшинага, балаларга интеллектуаль, мәдәни һәм әхлак тәрбиясе бирүгә юнәлтелгән хезмәте һәм һөнәри осталыгы өчен, Рәхмәт хаты юлланган.
Фото: шәхси архив
Нет комментариев