2022 елда балалар өчен нинди пособиеләр бар?

Дәүләт Думасының Instagram аккаунтында балалар өчен пособие турында мәгълүмат бирелгән.

2022 елда яшәү минимумыннан азрак табыш алган авырлы хатын-кызларга түләү каралган. Ул яшәү минимумының яртысы күләмендә.

Бала туганда 20 472 сум каралган. Шулай ук беренче һәм икенче бала тугач, гаилә әгъзаларының уртача табышы ике яшәү минимумыннан азрак булганда, балаларга өч яшь тулганчы айлык түләү бар.

Февральдән 1,5 яшькә кадәрле түләү 7667 сум.

Беренче балага ана капиталы 524,5 мең сум, икенчегә – 168,6 мең.

Өченче яки аннан соңгы баласы 2019 елның 1 гыйнварыннан соң туган гаиләләрнең ипотекасын түләр өчен дәүләт 450 мең сумга кадәр акча бирергә мөмкин.

Фото: pixabay.com

Чыганак: интертат