Васькино Баулыга тагын якынайды

Яз көне күпер авария хәлендә дип табылды. Аны тикшергәннән соң, иске күперне тулысынча сүтеп, яңаны төзү турында карар кабул ителде. Төзелешне күперләр төзүгә махсуслашкан “Лидерстрой” предприятиесе алып барган. Әлеге предприятие вәкиле Мансур Юнысов сүзләренә караганда, күпер төзелешенең төп эшләре төгәлләнгән, республика транспорт министрлыгы комиссиясе, объектны тикшереп, күперне куллануга рөхсәт биргән. Кайбер эшләр, мәсәлән, откосларны ныгытуны язга калдырганнар.