Covid-19дан 70 яшьтән өлкәнрәк ике ир-ат вафат булды.
Татарстанда Covid-19 коронавирусыннан тагын ике үлемне расладылар. Бу хакта ТР Сәламәтлек саклау министрлыгының матбугат хезмәте хәбәр итә.
72 яшьлек ир-атны Буа район үзәк хастаханәсендә ике яклы пневмония билгеләре белән госпитальгә китерәләр. Аның хәле хроник авыруларның кискенләшүе белән катлауланды. Covid-19ның булуын лаборатор тест нәтиҗәсендә расладылар.
Мамадыш районында яшәүче 77 яшьлек ир-атны Алабуга район үзәк хастаханәсенә ике яклы пневмония белән салганнар. Аның җитди хроник авырулары булган. Вирус расланган.
Пандемия башланганнан бирле республикада коронавирустан үлүнең 57 очрагы теркәлгән.
Фото: pixabay.com
Чыганак: https://tatar-inform.tatar/news/health/21-08-2020/tatarstanda-koronavirustan-tagyn-ike-keshe-lg-n
Нет комментариев