Баулылар милек салымнарын хәзер үк түли ала

Салым түләү таләбе салым түләү срогы җиткәнчегә кадәр 30 көннән дә соңга калмыйча, салым органы тарафыннан җибәрелә.

Кирәк булганда, мәсәлән, теркәлү урыны буенча төрле сәбәпләр аркасында (командировкага, яңа яшәү урынына, ялга китү) озак вакыт булмаган очракта, бердәм салым түләү рәвешендәге салымнарны вакытыннан алда (аванс белән) түләү мөмкинлеге бар.

Бердәм салым түләве электрон янчыкның аналогы булып тора, анда гражданин физик затлар мөлкәтенә, җир, транспорт салымнарына һәм физик затлар кеременә салым түләү өчен акча күчерә ала.  Акча Федераль казначылыкның тиешле счетына күчерелә һәм милек салымнарын түләү вакыты җиткәч, салым органы мондый түләүне мөстәкыйль үткәрәчәк. Беренче чиратта, түләү физик затның андый акчасы булса, салым буенча булган недоимкаларны яки бурычларны түләүгә юнәлдереләчәк.

Бердәм салым түләве гражданнарга мөлкәт салымнарын түләүне максималь дәрәҗәдә гадиләштерә һәм түләүне башкарганда хаталар җибәрү ихтималын бетерә. Бердәм салым түләвен «салымнар, физик затларның иминият взносларын түләү» сервисларыннан файдаланып, яки салым түләүченең шәхси кабинеты аша «аванс янчыкларын тулыландыру»опциясеннән файдаланып күчерергә мөмкин. Түләү процедурасы бик гади: ФИОн, ИНН һәм түләү суммасын күрсәтү дә җитә.

Тулырак:https://bavly.tatarstan.ru/index.htm/news/1794412.htm