Баулылар ковид белән чирли әле

Роспотребнадзор идарәсенең Баулы районындагы территориаль бүлегенең баш белгеч-эксперты Галина Алатырева хәбәр иткәнчә, Баулы районында пандемия чорында 113 кеше ковид йоктырган, аларның 12се үлгән. Хәзерге вакытта районда дүрт контактлы кеше һәм яңа коронавирус инфекциясе белән авыручы дүрт кеше исәптә тора, аларның икесе хастаханәдә дәвалана.

Район хастаханәсенең баш табибы Глеб Алексеев билгеләп үткәнчә, авырулар арасында прививка ясаткан кешеләр булганы юк.