Баулыда шахмат турнирлары атна саен узачак

Баулы районының спорт һәм туризмны үстерү бүлеге җитәкчесе Илмир Сабиров хәбәр иткәнчә, уеннар һәр сишәмбе 18 сәгатьтә Җиңү һәм Хезмәт Даны паркында шахмат мәйданчыгында, “Баулынефть” идарәсе административ бинасы каршында узачак. Уеннар шәһәр һәм район халкы арасында шахматны популярлаштыру максатыннан уздырыла. Уеннар расписаниесен “ВКонтакте” социаль челтәрендә “Шахмат/Баулы” (vk.com/bavlychess) төркемендә карарга мөмкин.