Баулы укучылары кыяр һәм яшел тәмләткечләр үстерә

Укучылар кыяр, яшел суган һәм укропны дәрестән тыш вакытларында биология укытучылары Гөлнара Вәгыйзова җитәкчелегендә үстерәләр. Яшел тәмләткечләр уңышын алар март башында ук ала башлаганнар. Беренче кыярларны исә бу атна башында авыз иткәннәр.

Укучылар теплицада һәм тәрәзә төпләрендә помидор, чәчәкләр үсентеләре дә үстерәләр. Көннәр җылыткач, аларны мәктәп бакчасына күчереп утыртачаклар.

Фотоhttps://pixabay.com