“Баулы-информ” хезмәткәрләре өмәгә чыктылар

Гадәттә шәхси йортларда яшәүчеләр, йорт яны участоклары хуҗалары, предприятие һәм оешма коллективлары үз территорияләрен һәр көз саен җыештырып торалар. Һава торышы матур һәм кояшлы булганда, «Баулы-информ» мультимедиа оешмасы хезмәткәрләре дә үзләренә беркетелгән территорияне җыештырырга карар кылдылар: клумбаны тәртипкә китерделәр, коры үлән, яфраклар һәм башка чүп-чарларны җыйдылар.

"Тирә-юньдә чисталык һәм тәртип булганда күз сөенә, – ди өмәне оештыручы Гөлнара Нәбиуллина. – Халык чит кешеләрнең хезмәтен хөрмәт итеп, чүп-чар ташламасын иде. Яздан кар астыннан чүп-чар өемнәре түгел, ә яшел үлән күренүе күңелле бит".

Ләйсән Галимова

Автор фотосы