Бавлы-информ
  • Рус Тат
  • Казан Кремле: Билалетдинов белән контракт ике якның дә ризалыгы буенча туктатыла

    Кадрлар буенча мәсьәләләрне тулысынча клубның генераль спонсорына хәл итә.

    (Казан, 11 апрель, "Татар-информ"). Зиннәтулла Билалетдиновның "Ак Барс" клубының баш тренеры вазифасыннан китүе турындагы карар генераль спонсор белән ике якның да килешү буенча кабул ителгән. Бу турыда "Татар-информ"га Казан Кремленең рәсми вәкиле Лилия Галимова хәбәр итте.

    Лилия Галимова сүзләренчә, Татарстан Президенты Рөстәм Миңнеханов кадрлар буенча мәсьәләләрне хәл итү буенча вәкаләтләрне клубның генераль спонсорына тапшырган.

    "Сезон төгәлләнгәннән соң, Рөстәм Миңнеханов кадрлар буенча мәсьәләләрне хәл итү буенча вәкаләтләрне тулысынча генераль спонсорга тапшырды. Генераль спонсор Зиннәтулла Билалетдинов белән киңәшкәннән соң, ике як та риза булган карар кабул ителде. Ул әлегә карьерасын туктатып торырга планлаштыра", - диде Галимова.

    "Зиннәтулла Хәйдәровичны бик хөрмәт итәбез. Аның зирәк җитәкчелегендә "Ак Барс" командасы күп тапкырлар төрле җиңүләр яулады", - дип әйтте Казан Кремле вәкиле.

    Зиннәтулла Билалетдинов тренер булганда "Ак Барс" хоккейчылары өч тапкыр Гагарин кубогын отты. 2009, 2010, 2018 елларда "Ак Барс" Гагарин кубогын Казанга алып кайтты. Шулай ук клуб 2006 елда суперлига чемпионы булды.

    Бу хакта тулырак: https://tatar-inform.tatar/news/2019/04/11/184367/

    Нравится
    Поделиться:
    Реклама
    Комментарии (0)
    Осталось символов: