Конкурс 60 яшь өлкәнрәк хатын-кызлар һәм 65 яшь өлкәнрәк ир-атлар арасында үткәрелә.
Баулы районында ГТО администраторы Виктория Алексеева “Баулы-информ”га хәбәр иткәнчә, “Хәрәкәттә бәрәкәт” акциясе – видеороликлар конкурсы. Ул онлайн форматта ВКонтакте социаль челтәрендә үткәрелә. Конкурсның район этабы 10 июньгә кадәр дәвам итә. Ә республика этабы 10-20 июньдә узачак.
Конкурста катнашырга теләгән баулылар видеороликларын, исем һәм фамилияләрен, ничә яшьтә булуларын күрсәтеп, gto.bavly@mail.ru электрон адресына җибәрә ала. Иң яхшы дип табылган видеоролик республика этабына җибәрелә.
Видеороликларга таләпләр:
– видеода ГТО нормативларын үтәүче катнашучы булырга тиеш;
– видеороликта 3тән артык кеше булырга тиеш түгел;
– роликта ГТО символикасы элементлары булу зарур;
– оригинальлек хуплана;
– ролик 60 секундтан артмаска тиеш.
Республика этабында 3 җиңүче билгеләнә:
– бер җиңүчене, оффлайн тавыш бирү юлы белән, хөкемдарлар коллегиясе билгели;
– бер җиңүче-район ВКонтакте социаль челтәрендә муниципаль районнарның тестлаштыру үзәге төркемендә видеорликка куелган лайклар саны буенча билгеләнә;
– бер җиңүче-район очраклы саннар генераторы ярдәмендә билгеләнә (районның номеры алфавит тәртибендә билгеләнә).
Җиңгән командаларга дипломнар, ГТО символикасы төшерелгән спорт инвентаре бирелә.
Фото: Баулы районы спорт һәм туризмны үстерү бүлеге
Нет комментариев