Татарстанда коронавирусны авыр кичерүче пациентлар күбәйгән

Коронавирус белән авыррак чирли башладылар. Бу хакта журналистлар өчен «Covid-19 эпидемиясе чорында сәламәтлек саклау технологиясе» дигән лекциядә Республика клиник хастаханәсе баш табибы Рафаэль Шәвәлиев сөйләде.

«Без күтәрелештә торабыз. <...> Авыруны катлаулы кичерүче пациентларның артуын күрәбез», — дип искәртте табиб.

Баш табиб коронавирусның кан тамырлары эпителияләренә зыян салуын әйтте. Еш кына ул организмга һава-тамчы юлы белән үтеп керә, әмма хәзер табиблар патогенның эчәклек аша да үтеп керүен күрә.

Татарстанда Covid-19 вирусына каршы вакцинация ясау өчен иң уңышлы вакыт февраль аеннан май аена кадәр иде. 

Фото: pixabay.com

Чыганак: https://tatar-inform.tatar/news/health/24-06-2021/tatarstanda-koronavirusny-avyr-kicher-che-patsientlar-k-b-yg-n-5827982