Буыннарыгыз сызлыймы?

Буын авырулары кимерчәк тукымада матдәләр алышыну бозылу аркасында барлыкка килә. Экспертлар симптомнарны җиңеләйтергә булыша һәм чирнең башлануына тоткарлык ясый торган берничә продуктны атады.

*Артроз вакытында буыннардагы кимерчәкнең таркалуы нәтиҗәсендә ялкынсыну процессы башлана. Әлеге процессны киметү өчен, рационга омега-3 кислоталарын кертергә кирәк. Ул скумбрия балыгында күп.

*Киви да бик файдалы продукт. Ул гиалурон синтезына ярдәм итә торган антиоксидантларга бай.

*Буыннары авыртудан интегүче кешеләргә шулай ук солы боткасын да читкә куймаска кирәк. Әлеге ботканың составында марганец бар, аның ионнары сөяк һәм кимерчәк тукымалары ферментларын җайга сала.

Җитен мае, сардина, сельдь, куркума һәм сөт куллану да буыннар авыртканда ярдәм итә.

Чыганак

Фото: татар-информ