Баулыга гриппка каршы вакцина кайткан

Баулы район үзәк хастаханәсе баш табибы Глеб Алексеев “Хезмәткә дан”га хәбәр иткәнчә, Баулы районына гриппка каршы “Совигрипп” вакцинасы кайтартылган. Баш табиб әйтүенчә, гриппка һәм коронавируска каршы вакцинаны бергә ясатырга ярый. Глеб Алексеев билгеләп үткәнчә, коронавирус инфекциясе йоктыручылар саны арту дәвам итә. Август башында районда бер атна эчендә 5-6 кешегә Covid-19 диагнозы куелган ублса, соңгы көннәрдә 25 яңа очрак ачыкланган. Авыр хәлдә Бөгелмә хастаханәсенә җибәрелүчеләр дә бар.

Фото: татар-информ