Бавлы-информ
  • Рус Тат
  • Кыяр ипи ярата

    Баулы бакчачыларына берничә киңәш

    Чиләкнең өчтән ике өлешенә кара ипи кисәкләре салып, өстенә су агызабыз һәм авыр әйбер белән каплап куябыз. Чиләкне җылы урынга куеп, бер атна тотабыз. Бер өлеш ипи суына өч өлеш су кушып, атнага бер тапкыр бер кыяр төбенә яртышар литр сибәбез. Катнашманы кыяр чәчәк ата башлап шиңгәнчегә кадәр сибәргә кирәк.

    Кыяр яфрагы саргайса, калий җитми дигән сүз. Бер литр кайнар суга бер аш кашыгы көл салып, ике көн төнәтәбез. Суган кабыгы да булыша. Бер чиләк җылы суга бер стакан суган кабыгы салабыз да кайнатырга куябыз. Кайнап чыккач, уттан алабыз. Аннары ике сәгать төнәтеп, кыярның яфракларына сибәбез.

    Ончыл чык (мучнистая роса) булганда, ун литр суга 50 грамм сода һәм 50 грамм кер сабыны салып сибәргә була.

    Реклама

    Фото: pixabay.com

    Чыганак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: