21.12.2022 — тылсымлы көн бүген!

Позитивка ышанып, бүген теләк теләргә кирәк. Чын күңелдән теләнгән теләкләр чынга ашарга тиеш! Ләкин ниндидер абстракт теләкләр булмасын. Иң яхшысы — акчага сатып алырга мөмкин булган конкрет әйбер теләгез.

Бүген талашырга, сүзгә килешергә ярамый! Якыннарыгызга авыр сүз әйтүдән сак булыгыз! Саранлыктан, көнләшүдән читләшегез.

Бүген кешеләргә күрсәткән мәрхәмәтегез үзегезгә икеләтә кайтыр. Мохтаҗларга ярдәм итү өчен яхшы көн.

Белгечләр бүген кыйммәтле әйберләр сатып алудан тыелырга куша. Шулай ук ерак юлга чыкмау да хәерле булыр.

Әгәр бүген күңелегезгә авыр уйлар килә икән, аларга бирешмәгез. Ачык күңелле кешеләр белән аралашырга тырышыгыз.

Астрологлар бүгенгедәй планеталар торышын 20 елга бер генә килә, дип, ышандыра. Шуңа бу тылсымлы көнне матур уйлар белән, дөрес теләкләр теләп үткәрегез.

Чыганак

Фото: татар-информ