Ришвәт алганга җәза бирелә

Баулы шәһәр прокуроры урынбасары Артём Родионов мәгълүматына караганда, гаепләнүче (юл-патруль хезмәте инспекторы) “Казан – Оренбург” автоюлының 347нче чакрымында әйләнүле юл чатында вазифаи бурычларын үтәгәндә, Киа Соренто автомобилен туктаткан. Инспектор машина йөртүчегә аның юл хәрәкәте кагыйдәләрен бозганлыгын әйткән һәм, административ җаваплылыкка тартмас өчен, акча таләп иткән. Машина йөртүче, килеп туган хәлне исәпкә алып, гаепләнүченең законсыз таләбе белән ризалашкан һәм аның исәп-хисап счётына 1500 сум акча күчергән. Инспектор аны җибәргән.

Гаепләнүче суд утырышында гаебен танымаган.

Суд карары белән, аңа 50 мең сум күләмендә штраф рәвешендә җәза билгеләнгән.

Фото: pixabay.com