Татарстанның 11 районы игенчеләре язгы кыр эшләренә кереште

«Азнакай, Бөгелмә, Буа, Сарман, Лениногорск, Аксубай, Ютазы, Зәй, Әлки, Спас һәм Алексеевск районнарында күпьеллык үләннәрне тукландыру эшенә керештеләр», – дип билгеләп үттеләр Татарстан Авыл хуҗалыгы һәм азык-төлек министрлыгы матбугат хезмәтендә.

Татарстанда чәчүлек мәйданнары 2,7 млн гектар тәшкил итә, бу узган ел дәрәҗәсендә. Шул исәптән бөртекле һәм кузаклы культуралар 1,6 млн гектарда чәчеләчәк, техник культуралар – 375 мең гектарда, азык культуралары – 761 мең гектарда.

Бәрәңге һәм яшелчә мәйданнары 10 процентка артачак һәм 6,6 мең гектар тәшкил итәчәк.