Бавлы-информ

Баулы районы

Рус Тат
Авыл хуҗалыгы

Татарстанда ферма төзегән өчен субсидия биреләчәк

Ферма төзелеше чыгымнарының 70 проценты кайтарыла.

Сөтчелек юнәлешендәге фермалар төзелешенә авыл хуҗалыгы кулланучылар кооперативларына субсидияләр гамәлгә кертелгән. Бу хакта “Татар-информ” хәбәрчесенә авыл хуҗалыгы һәм азык-төлек министры урынбасары Ришат Хәбипов әйтте.

Аның сүзләренчә, бу төр субсидия быел гамәлгә кертелә. Проектны Кукмараның “Монокорм” кооперативы тәкъдим иткән.

“Инвестор булып “Восток” хуҗалыгы чыкты, алар кечкенә генә территориядә 24 шәр сыерга исәпләнгән дүрт ферма төзеделәр. Терлек азыгын хуҗалык бирә, ветеринария препаратлары, су, тирес чистарту, ясалма орлыкландыру – бөтенесе эшләнгән. Авылда яши торган кеше шул фермадагы малларны карарга алынды. Бер сыерга көненә бер сыердан 100 сум чыга, 24 сыерга 2400 сум, 10 көнгә 24 мең, 30 көнгә 72 мең сум түләнә дигән сүз”, диде Ришат Хәбипов.

Реклама

Ул мини-сөтчелек парклары территориясендә шундый фермаларны башка урыннарда да тиражларга җыенуларын әйтте. “Ферма төзегән өчен 70 процент субсидия кайтарабыз. Әйтик, 5 млн сумга төзегән икән, 3 млн сумы кире кайта”, – дип белдерде Ришат Хәбипов.

Ике ел да өч айдан соң керткән акчалар аклануын искәртте. “Авыл җирлекләренә күпмедер иганәчеләрне дә җәлеп итү өчен эшләнгән бу”, – дип әйтте министр урынбасары. Субсидия, ферманың куәтләренә карап, 2 млн сумнан 3 млн сумга кадәр.

Чыганак: татар-информ

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев