Көзге матурлык байлык китерә

Көзге бер матур көнне урманга яисә паркка саф һавага йөрергә чыгыгыз. Иң матур сары яфраклардан букет җыегыз. Кызыл төстәгеләрне алмагыз.

Көзге яфраклардан җыелган букетны өегезгә алып кайтып, бик матур вазага утыртып куегыз. Таралып китмәсеннәр өчен сары җеп белән бәйләп куйсагыз да була. “Өемә акча агымы җәлеп итәм”, — дип берничә тапкыр кабатлагыз.

Яңа ел төнендә бу яфраклар букетын тышка алып чыгарга һәм, уып, ак кар өстенә таратырга, мондый сүзләр әйтергә кирәк: “Сары яфраклар ак карга алтын булып ята, күпме “алтын” төшә, миңа шулкадәр байлык килсен!”

Менә шулай. Ышансагыз - ышаныгыз. Ышанмасагыз да матур көзге яфраклар гөлләмәсе өегезне бераз ямьләп торса, бер зыян да булмас!

Фото: татар-информ