Йолдызнамә (6-12 апрельгә)

Кучкар. Сәламәтлегегезгә игътибар итегез. Транспорт чарасын, электротехниканы кулланганда имгәнү куркынычы бар. Сак һәм игътибарлы булыгыз, юл хәрәкәте кагыйдәләрен, куркынычсызлык техникасын онытмагыз.

Үгезбозау. Дуслар һәм танышлар белән аралашу тагын да киеренкерәк булачак, дискомфорт тудырачак. Якыннарыгызның, ышанычлы кешеләрегезнең ихласлыгына, аларның сезгә ярдәм итәргә әзерлегенә шикләнерсез.

Игезәкләр. Атна онлайн шөгыльләнергә мөмкин булган иҗтимагый эшчәнлек өчен туры килә. Мөһим зур проект өчен җаваплылык сезнең җилкәгә төшәргә мөмкин.

Кысла. Планлаштырылган сәяхәтегез өзелү куркынычы астында. Зур конфликтлар булдырмас өчен, вак-төякләргә игътибар итмәгез. Шулай гына сез кризисны җиңәчәксез. Мәктәп балалары булган кешеләргә, аларның өлгерешенә зур игътибар бирергә киңәш ителә.

Арыслан. Уңыш юридик мәсьәләләрне җайга салу белән шөгыльләнүчеләр ягында булачак. Буш вакытыгызны туганнарыгызга, бигрәк тә әти-әниләрегезгә багышлагыз. Алар белән сөйләшкәндә низаг килеп чыгуга сәбәп булырга мөмкин темаларны кузгатмагыз.

Кыз. Гаилә гармониясен бозмас өчен, талашулар булдырмас өчен, партнерыгызны тәнкыйтьләүдән тыелыгыз. Кискен очракларны тыныч кына хәл итегез, югыйсә ызгыш чыгуы мөмкин. Романтик элемтәне ныгыту өчен, мөнәсәбәтләргә дусларны яки туганнарны кертергә кирәкми. Аларның арадашчылыгы хәлне катлауландыра гына.

Үлчәү. Атна башы сәламәтлегегез өчен борчылырга мәҗбүр итәчәк. Барыннан да бигрәк терәк-хәрәкәт аппаратының хроник авырулары булган кешеләр зыян күрәчәк. Хәлне начарайтмас өчен, физик йөкләнешне минимальләштерегез. Аларның уртача булуы мәслихәт.

Чаян. Атнаның беренче яртысында төп проблема шәхси тормыштагы проблемалар булачак. Партнерыгыз белән бик күп низаг чыгарга мөмкин. Ата-аналарга балаларына карата катгыйрак булырга туры киләчәк. Үз-үзеңне тоту буенча яңа кагыйдәләр билгеләгәнче, балагыз белән сөйләшегез, аңа аңлатырга мөмкинлек бирегез.

Укчы. Атна башында өй җыештыру, ремонт белән шөгыльләнмәгез. Йорттагы эшләр якыннарыгыз белән аралашуда киеренкелек аркасында җайга салынмаячак. Гаиләдә аңлашылмаучанлык туачак, низаглы хәлләр саны артыр. Туганнарыгыз белән мөнәсәбәтләрегез җайга салынгач кына өй эшләренә керешегез. Кунакка йөрүдән баш тартыгыз.

Кәҗәмөгез. Атнаның беренче яртысы якыннарыгыз, танышларыгыз, күршеләрегез белән аралашканда барлыкка килгән уңайсызлыклар аркасында күңелсез булырга мөмкин. Низаглы хәлләр барлыкка килү куркынычын киметү өчен, үзегезне кулда тотыгыз, тирә-юньдәгеләрне тәнкыйтьләмәгез, сабыр булыгыз. Проблемаларыгызда башкаларны гаепләргә ашыкмагыз, күңелсезлекләр килеп чыгу сәбәпләрен үзегездән эзләгез. Атнаның икенче яртысын гаилә мөнәсәбәтләрен ныгытуга багышлау мәслихәт.

Сукояр. Акчага мохтаҗлык килеп чыгу ихтималы зур. Ул акчаны янга калдыра белмәү яки табышларның сизелерлек кимүе аркасында килеп чыгарга мөмкин. Шуңа күрә планлаштырылган әйберегезне сатып алуны кичектереп торырга туры киләчәк.

Балык. Атна башы балыклар өчен укуда проблемалар белән бәйле булачак. Сезгә яңа мәгълүматны үзләштерү авыр булачак. Төшенкелеккә бирелмәгез, үз алдыгызга катлаулы бурычлар куймагыз, көчегез җитәрлекләренә игътибар итегез. Куелган максатыгызга әкренләп ирешегез, ашыкмагыз.