Бавлы-информ
  • Рус Тат
  • 27 майга сынамышлар

    27 май сынамышларының күбесе бу матур кошларга багышланган. Шулай ук бүгенге көн сынамышлары мәхәббәт, никах, быелгы уңыш турында да фаразлар бирә.

    Өй түбәгез астына карлыгач оя корса, бәхет көтегез!

    Ә менә карлыгач сезнең өй янындагы оясын ташлап китсә, сак булыгыз. Күңелсезлекләр килергә мөмкин.

    Бүген ялгыш кына да карлыгачларны рәнҗетә күрмәгез! Карлыгач үтергән кешене уңыш ташлап китәчәк. Ә бу кошның оясын туздырганнар үзләре өйсез калачак, ди.

    Кияүгә чыкмаган кыз яшәгән өйнең тәрәзәсеннән карлыгач очып керсә, туйга әзерләнергә кирәк.

    Ә туй вакытында өй өстендә карлыгач очса, никах ныклы һәм бәхетле булачак.

    Бүген өйдән чыккач, нидер онытканыгызны аңласагыз, кире кермәвегез хәерле.

    Бүген соңгы акчагызга кием сатып алмагыз. Уңышсызлыклар башланачак.

    Бүген кайсыдыр өйгә, бинага кергәндә абындыгыз икән, анда кермәвегез хәерле. Шулай өй иясе нидәндер кисәтеп, кертмәскә тырыша, имеш.

    Реклама

    Бүген “свидание"га яңа аяк киемендә бармагыз! Мөнәсәбәтләр җитди булмаячак.

    27 май җылы булса, кыяр уңышы яхшы булачак. Яңгыр яуса, кыяр уңмаячак икән.

    Бүген салкын җил иссә, җәй салкын булачак.

    Кырмыскалар күренмәсә, салкынайтачак.

    Кошлар бер-берсенә сыенса, яшен булачак.

    Фото: pixabay.com

    Чыганак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: