Якташ язучы Гали Гыйззәт белән очрашу булып узды

Очрашуга китапханәненең өлкән яшьтәге укучылары һәм 1-нче санлы мәктәпнең 6 сыйныф укучылары чакырылды. Китаханә мөдире Гүзәл Вәлитова язучының тормыш юлы белән таныштырды. Гали Гыйззәт үз чыгышында тормышының катлаулы булуы турында сөйләде, иҗаты белән кыскача таныштырып үтте. Гали аганың иҗатын яратучылар аның шигырьләрен укыдылар, истәлекләре белән уртаклаштылар. Кичәгә килгән авылдашлары язучы белән булган кызыклы хәлләр турында сөйләделәр. Язучы иҗатын сөючеләргә үзенең имзасын куйган китапларын өләште.