Татар китапларына бәя төшкән

Арада 20, 25, 30, хәтта 15 сумлык китаплар да бар. Һәм нинди китаплар әле!

Интертат.ру хәбәр иткәнчә, Россиядә игълан ителгән Әдәбият елы уңаеннан Татарстан китап нәшрияты "Түбән бәя" акциясен игълан иткән. Нәшриятның социаль челтәрләрнең берсендә хәбәр ителгән белдерүеннән күренгәнчә, 100дән артык китап 20 сумнан башлап сатуга куелган. Яңа китаплар белән танышасыгыз килсә, Татарстан китап нәшриятының фирма кибетенә рәхим итегез: Казан шәһәре, Бауман урамы, 29/11, "Нур-маркет".