Баулы тәрбиячесе Республика бәйгесе лауреаты булган

Бәйге Азнакай шәһәрендә узган. Беренче турда Татарстанның сигез районыннан килгән катнашучылар балигъ булмаган кешенең җәмәгать тәрбиячесе буларак эшләрен күрсәткәннәр, икенче турда стандарт булмаган конкрет педагогик ситуацияне хәл итү биремен үтәгәннәр һәм балигъ булмаганнарның хокук бозуларын булдырмау өлкәсендә норматив-хокукый база нигезләре буенча сорауларга җавап биргәннәр. Айгөл Әхмәдова өченче урынга лаек булган, аңа диплом һәм бүләкләр тапшырылган.

Фото: Айгөл Әхмәдованың шәхси архивыннын алынды