Кишер сабакларының нинди файдасы бар?

Кишер сабакларын ташларга ашыкмагыз, аның файдасы да бар. Бу турыда НТР 24 каналы хәбәр итте.

Кишер сабагы кишернең үзеннән дә файдалырак, ди оста бакчачылар. Аннан төнәтмә ясарга кирәк. Шушы сыеклыкта витаминнар бик күп була.

Кишер сабагы төнәтмәсе күзләргә файдалы. Чөнки анда А витамины күп була. Бер стакан кайнар суга 1 аш кашыгы кишер сабагы салырга. Аннары 10-15 минут төнәтергә һәм эчәргә кирәк. Тәмлерәк булсын өчен көн саен җиләкләр, карлыган салып эчәргә киңәш ителә.

Сабакларны ризык әзерләгәндә дә кулланырга мөмкин. Аны бәрәңге кыздырганда, төрле ашлар пешергәндә, салатларга салырга була, диелә бу хәбәрдә.

Фото: pixabay.com

Чыганак