Кышын кызыл чөгендер ник үрә?

Кышын саклаганда, кызыл чөгендер үрә, шәлперәя, ашарлык булмый башлый. Бу дөрес сакламаудан килеп чыга. Киңәшләр сайтында шул хакта язылган.

Иртә өлгерә торган чөгендерне кышка сакларга калдырмагыз. Аларны алдан ашап бетерергә кирәк.

Чөгендерне түтәлдән иртә алырга ярамый, өлгермәгән чөгендерне саклап булмый.

Чөгендер озак саклансын, үрмәсен өчен, аны дөрес иттеп саклау кирәк.

Аны коры көнне алып, яфракларын шунда ук кисеп ташлап, җилләтелә торган урында киптереп куярга кирәк. Яфракларын кискәндә төптән 1 см калдырыгыз.

Кырыйдан чыгып торган тамырларын да кисеп ташлагыз, туфрагын коегыз, тик юарга кирәкми.

Шулай иткәндә, кызыл чөгендер кышын үрмәс, диелә.

Тулырак: intertat.tatar

Фото: pixabay.com