Елмаеп алыйк әле

Мәхәббәт ул – акча...

– Синең белән танышкан көннән бирле юньләп ашый да, эчә дә, хәтта йоклый да алмыйм.

– Шул дәрәҗәдә гашыйк булдыңмы миңа, кадерлем?

– Гашыйк-машыйкларга акча да җитми башлады хәзер.

Тиеш булырсың...

Берничә көнгә биш мең сум акча биреп тор әле.

– Миндә биш мең сум юк, өч мең генә.

– Ярый, өч мең булсын. Тагын ике мең тиеш булырсың.

Ярамый!

Бала мәктәптән кайтып керә дә:

– Җитте! Моннан соң мәктәпкә ике аягымның берсен дә атламыйм

– Ни булды?

– Укый белмим, яза белмим, сөйләшеп утырырга ярамый...

Сыер бәласы

Автомагистральдә кара-каршы ике машина килә... Берсендә – хатын-кыз, икенчесендә – ир-ат. Ара якынайгач, ир-ат тәрәзәдән башын тыгып кычкыра:

– Сыер!

Хатын-кыз, әлбәттә, җавапсыз калмый. Тәрәзәдән башын сузып, артка таба каерылакаерыла кычкыра:

– Син үзең хайван! ...

Һәм шул вакыт юл уртасында яткан сыерга килеп бәрелә.

Фото: pixabay.com

Чыганак