Татарстанда яңа кунакханәләр өчен салым ташламалары озайтылды
Татарстанда 50 номердан ким булмаган һәм кимендә «өч йолдыз» категориясенә ия булган яңа кунакханәләр өчен салым ташламаларының гамәлдә булу вакыты озайтылды. Тиешле закон проектында мондый кунакханәләрне файдалануга тапшыру срогын 2030 елның 31 декабренә кадәр озайтырга тәкъдим ителә. Бу хакта республика Дәүләт Советының 16 нчы утырышында карар кабул ителде.