Римма Нәгыймова: “Сугыш турындагы куркыныч фильмнар, немец этләре өргән тавышлар яңгырап торган кебек булды...”
Быел Бөек ватан сугышында Җиңүгә 80 ел. Бер гасырга якын вакыт узса да, аның шаукымы, истәлекләре халык күңеленнән җуелмый. Бүгенге көндә дә эзләнү- табу, тарихка язып калдыру эшләре дәвам итә. Сугыш кырларында чит җирләрдә ятып калган бабайлар каберлекләрен эзләп табучылар, тапкан очракта шул шатлыклы хәбәрне “Баулы-информ” редакциясе белән бүлешүчеләр дә байтак. Исергәп авылында яшәүче Римма һәм Илдар Нәгыймовлар шундыйлардан. Күптән түгел генә алар Новгород өлкәсенә барып, сугышта һәлак булган бабалары каберен зыярәт кылдылар.