Гуманитар ярдәм оештыруда Кызылъяр ветераннары да читтә калмый
Кызылъяр авылы ветераннары, мәчеткә йөрүче мөслимәләр, гомумән, авыл халкы махсус хәрби операция зонасындагы сугышчыларга җылы киемнәр, пледлар, хәләл ризыклар җыйнап озатты. Бу юлы солдатларга дигән әйберләрне авыл мәчетендә тупладылар.
Баулы районында яшәүчеләр кулларыннан килгәнчә, махсус хәрби операциянең уңышлы тәмамлануына өмет итеп, ярдәм оештырып торалар. Хәрбиләргә ярдәм төрлечә оештырыла. Тиздән кышкы салкыннар, шуңа күрә, бу юлы халык күбрәк җылы киемнәр китергән.
– Җыелган әйберләрне тиешенчә төреп, тартмаларга тутырып, районга илтеп тапшырдык, – дип сөйләде Кызылъяр авылының ветераннар оешмасы җитәкчесе Сирина Вәлиева. – Хәрбиләребезне бу җылы киемнәр җылытыр, алар без җибәргән күчтәнәчләр аша безнең игътибарны тоярлар. Без барыбыз да аларның исән-сау килеш әйләнеп кайтуларын телибез.
Фото: Сиринә Вәлиева
Следите за самым важным и интересным в Telegram-каналеТатмедиа
Нет комментариев