“Чәчәк” помидор

– Ел саен күпләп яшелчә-җимеш утырту безнең канга сеңгәндер инде. Быел да шулай ук, – ди Гүзәл Сәфиуллина. – Бигрәк тә помидор яратабыз. Аның төрле сортларын утыртабыз. Быел шулар арасында чәчәккә охшаш помидорлары белән өч төп үсте. Гаҗәп булды, мин моны табигать могҗизасы дип уйлыйм. Алар бик матур, хәтта уенчык кебек дияр идем. Помидорларның бәлки сорты шундыйдыр, тик без гади помидор орлыклары алып үстергән идек. Ничәмә-ничә еллар бакчачылык белән шөгыльләнеп, мондый помидорлар күргән юк иде әле, шуңа күрә үземнең яраткан район газетасы белән бүлешеп, башкаларга да күрсәтәсем килә.