Йолдызнамә (4–10 июль)

Кучкар (21.03 – 20.04)

Бу атнада шәп кенә уңышка ирешү өчен, беренчедән, үҗәт, икенчедән, кыю булырга кирәк. Бер дошманыгызны җан дуска әйләндерердәй кызык кына хәлләрнең килеп чыгуын көтегез. Хезмәттәшләрегез белән кызып-кызып бәхәсләшкәндә, үзегезгә кирәкле мәгълүмат ишетеп сөенерсез.

Үгезбозау (21.04 – 20.05)

Кирәкле кешеләр белән элемтәләрегезне эштә файдаланудан тартынып тормагыз. Дәрәҗәгезне генә арттырачак бу. Атна ахырында якыннарыгызга кагылышлы яхшы хәбәрләр ишетерсез.

Игезәкләр (21.05 – 21.06)

Иҗат кешеләре өчен «йолдызлы сәгать» чоры! Илһамыгызны эшкә җигеп, саллы гына табыш алачаксыз һәм матди хәлегезне ныгытачаксыз. Мәхәббәттә назлы аңлашулар, романтик очрашулар чоры да әле бу…

Кысла (22.06 – 22.07)

Якыннарыгыз белән мөнәсәбәтләрне тагын да җылытырдай хәлләр булып алыр. Җитәкчегез намуслы, тырыш булуыгызны күреп, бу сыйфатларыгызны тиешенчә бәяләү турында уйланыр. Моңарчы такыррак булган кесәгез әкренләп кенә калыная башлар.

Арыслан (23.07 – 23.08)

Эшлекле элемтәләрне киңәйтеп, әйбәт кенә акча эшләү мөмкинлеге пәйда булыр. Бер танышыгыз, эч серләрен сөйләп, күңелегездә мең төрле сорау уятыр. Ял көннәре гаиләгездә әйбәт кенә сюрприз белән төгәлләнер.

Кыз (24.08 – 22.09)

Шикләнү-көнләшүләрдән, ниһаять, тулысынча котылу мөмкинлеге чыгар. Очрашулар, кызыклы кешеләр белән танышулар эчке дөньягызны яктыртып, күркәмләндереп җибәрер. Инде бик күптәннән күңел түрегездә йөртелгән матур гына бер хыялыгыз тормышка ашар.

Үлчәү (23.09 – 23.10)

Эштә – киеренкелек. Аның каравы, алыштыргысыз белгечкә әйләнәчәксез. Бу хәл дөньяга карашыгызны киңәйтеп, гаять зур планнар кора башлауга китерәчәк.

Чаян (24.10 – 22.11)

Уңышлы атна. Күңелегез теләгәннең барысы да диярлек тормышка ашачак. Эшлекле тәкъдимнәр, өстәмә керемнәр сөендерәчәк. Өстәвенә әле атна ахырында тормышыгызга ниндидер бер яңарыш җиле дә үтеп керәчәк.

Укчы (23.11 – 21.12)

Нәрсәләргәдер ашык-пошык кына йомгак ясаудан сак булыгыз: ялгышып, бик тә уңайсыз хәлдә калуыгыз бар. Атна урталарында эштә бераз сүлпәнлек сизелер. Ял көннәрендә якыннарыгызга кагылышлы сөенечле яңалыклар ишетелер.

Кәҗәмөгез (22.12 – 20.01)

Киртәләр, кыенлыкларга карамастан, эшегез алга бара. Уңышыгызның кадерен күбрәк тою һәм аңлау өчен шулай кирәктер, мөгаен… Атна ахырында, бер тырмага икенче тапкыр шап итеп басканчы, ялгышыгызны аңлап алырга өлгерерсез.

Сукояр (21.01 – 19.02)

Йомшаграк, сабыррак булырга тырышыгыз. Каты куллылык сезгә туры килми. Өстәмә керем чыганагы тәкъдим итәргә мөмкиннәр. Каршы килмәгез: барысы да сез теләгәнчә килеп чыгачак.

Балык (20.02 – 20.03)

Уңышлы атна. Гәрчә тормышыгыздан, тирәгездәге кешеләрдән бигүк канәгать булмасагыз да. Үз дигәнегездә нык торыгыз, әмма тупаслык күрсәтмәгез. Сезне ишетүләре мөһим. Шулай ук үзегез дә юл куярга әзер торыгыз.