Бавлы-информ
  • Рус Тат
  • Йолдызнамә (17–23 гыйнвар)

    Йолдызлар бу атнага нәрсәләр вәгъдә итә?

    Кучкар (21.03-20.04)

    Хисләрегезне биктә тота алмассыз… Яратасыз икән – белгертегез! Эштә ихлас булсагыз әйбәт. Хаталансагыз, бу хакта җитәкчегезгә әйтүдән курыкмагыз. Намуслылыкны, һичшиксез, исәпкә алачак ул.

     

    Үгезбозау (21.04-20.05)

    Моңа кадәр күренмичә килгән талантыгыз әйбәт кенә керем китерә башлар. Бу чорда ирештерелгән тәкъдимнәрне, ике дә уйламастан, кабул итегез. Өлкән буын белән аралашканда, сүзгә саграк булыгыз: үзегезне аңламаулары аркасында үпкәләшү ихималы бар.

     

    Игезәкләр (21.05- 21.06)

    Әҗәткә сорап торсалар, баш тарту әйбәт. Шул сәбәпле үзегез авыр хәлдә калырга мөмкинсез. Атна азагында баштанаяк эшкә чуму көтелә. Өйдәгеләргә калып эшләү сәбәпләрен аңлатырга туры килер…

     

    Кысла (22.06-22.07)

    Атнаның беренче яртысында максатыгыздан ераклаша барасыз кебек тоелыр. Ни хикмәт: тырышыбрак эшләгән саен нәтиҗәсе начаррак булыр. Ләкин артыгын хафаланасы юк: дустыгызның бик вакытлы ярдәм кулы сузуы хәлегезне бермә-бер җиңеләйтер.

     

    Арыслан (23.07-23.08)

    Бу көннәрдә күңелегезгә хуш килүче кешеләр белән янәшә булырга тырышыгыз. Хуш килмәгәннәрен читкәрәк тибәрегез. Атна ахырында матди якка уңай тәэсир итәрдәй хәлләр килеп чыгасын көтегез.

     

    Кыз (24.08 -22.09)

    Хезмәт урынында өстәмә бурычлар алмагыз. Бер тапкыр ризалашсагыз, башкаларның эшен гел өеп кенә торулары бар… Ялгызларның гомерлек парларын табу ихтималы бик зур.

     

    Реклама

    Үлчәү (23.09-23.10)

    Атнаның беренче яртысында сәламәтлеккә игътибарлырак булу кирәк. Ел башында эштәге киеренкелек организмны инде алҗытырга да өлгергән шул…  Аның каравы ял көннәре бик зур күтәренкелектә узачак – бердәнберегез искиткеч матур бүләк ясаячак, дусларыгыз өметле хәбәрләр белән сөендерәчәк.

     

    Чаян (24.10-22.11)

    Беренче адымны ясаудан курыкмагыз. Тормышыгызның барлык өлкәләренә кагыла бу! Атна ахырында шәп кенә сюрпризлар көтегез. Тик үзегезне бәхетле итүчеләргә рәхим-шәфкатьле, рәхмәтле була белегез.

     

    Укчы (23.11-21.12)

    Өйгә эш күтәреп кайтмагыз – якыннарыгыз үзегезне аңламаска мөмкин. Шуңа күрә барысын да эш сәгатьләрендә башкарып куярга тырышыгыз. Атна уртасында акчага бәйле «баш авырту» килеп чыгарга мөмкин. Кредит алып мәшәкатьләнергә кирәкми: бик тиздән әйбәт кенә керем көтелә.

     

    Кәҗәмөгез (22.12-20.01)

    Бу чорда кабул кылган карарларыгыз тормышыгызны тамырдан үзгәртеп куярга мөмкин. Әмма йолдызлар ашыкмаска, барысын да яхшылап уйларга киңәш итә. Иҗат кешеләре өчен искиткеч шәп чор.

     

    Сукояр (21.01-19.02)

    Хезмәттәшләрегез белән аралашканда, ниндидер кыенсыну сизәргә мөмкинсез. Сәбәбе – үзегезгә барып ирешкән гайбәт сүзләре бугай. Борчылмагыз: кайбер көнче адәмнәрнең оятсыз кыланмышы гына бу. Озакламый барысына да ачыклык кертелер һәм үзегезгә иркен сулап кую мөмкинлеге ачылыр.

     

    Балык  (20.02-20.03)

    Тәкъдимнәргә бик сак булыгыз. Ялгышмас өчен башта күпне белгән кешеләр белән киңәшләшегез. Яңа ел курантлары суккан вакытта әйтелгән теләкләрнең тормышка аша башлавын сизеп сөенерсез.

    Чыганак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: