Бавлы-информ
  • Рус Тат
  • Йолдызнамә (1 июль - 6 июль)

    Сәяхәтләр, дуслар, туганнар белән аралашу өчен яхшы атна. Көндәлек тормышыгызны төрләндереп җибәрүдән, яңа кешеләр белән танышудан, моңарчы булмаган җирләргә барудан курыкмагыз.

    Кучкар (21 март - 20 апрель)  

    Сезнең үз эчегезгә бикләнүегезне борыныгызны күтәрү, кешене санга сукмау итеп кабул итүләре ихтимал. Шул сәбәпле якыннарыгыз белән арагыз суынырга, аңлашылмаучанлыклар туарга мөмкин.

     

    Үгезбозау   (21 апрель - 20 май)

    Сезнең фикерегез белән килешергә теләмәүчеләргә исегез китмәсен! Эт эрә, бүре йөри. Тыныч кына үзегезнең максатыгызга таба барыгыз. Барысы да сез теләгәнчә булыр.

     

    Игезәкләр (21 май - 21 июнь)

    Игезәкләрнең кеше өчен тырышуы да үз файдасына булыр. Шуңа күрә, ярдәм сораучыларга “юк” дип әйтергә ашыкмагыз. Дустыгыз күптәнге килешүне исегезгә төшерер.

     

    Кысла (22 июнь - 22 июль)

    Яңалыкка, яңа белемгә омтылучы Кыслаларны уңыш көтә. Үзегез белмәгән эшкә алынырга курыкмагыз. Аның киләчәктә сезгә хайран гына акча китерә торган шөгыльгә әверелүе бар.

     

    Арыслан  (23 июль - 23 август)

    Кәеф юклыкның сәбәбен бүтәннәргә аударып калдырырга тырышмагыз. Үзегез селкенмәсәгез, берәү дә сезгә капчыгы белән алтын китереп ташламас. Ихтыяр көчегезне туплагыз да, җиң сызганып эшкә тотыныгыз.

     

    Кыз  24 август - 23 сентябрь

    Сезне рәнҗетүчеләрне гафу итегез. Эчегезне тырнап торган үпкә авыруга сабыштырмасын. Дусларыгыз сезне үзләре белән ерак сәфәргә дәшәргә мөмкин. Баш тартмагыз. Сезгә хәзер бераз башыгызны “җилләтергә” кирәк.

     

    Үлчәү  (24 сентябрь - 23 октябрь)

    Реклама

    Гаиләгездә ызгыш тудыруга сәбәпче булган хәбәр килеп ирешүе ихтимал. Һәр сүзегезне уйлап әйтегез, бәхәстән качарга тырышыгыз. Карар кабул иткәндә кеше сүзен тыңламагыз, йөрәгегез кушканча эшләгез.

     

    Чаян  (24 октябрь - 22 ноябрь)

    Чаянннар хатирәләргә бирелеп, элеккеге мәхәббәтенә шалтыратырга, хәтта аның белән кабат аралаша башларга да омтылырга мөмкин. Кирәкми! Үткән эшкә салават, бүгенгесе көн белән яшәгез.

     

    Укчы  (23 ноябрь - 21 декабрь)

    Сәяхәтләр, дуслар, туганнар белән аралашу өчен яхшы атна. Көндәлек тормышыгызны төрләндереп җибәрүдән, яңа кешеләр белән танышудан, моңарчы булмаган җирләргә барудан курыкмагыз.

     

    Кәҗәмөгез  (22 декабрь - 20 январь)

    Кәҗәмөгезләрнең дәрт-дәрманы тауларны күчереп куярга җитәрлек. Әллә нинди катлаулы мәсьәләләрне дә уйнап-көлеп кенә хәл итеп куярсыз. Хатын-кызлар хыялында йөрткән асыл егетне очратыр.

     

    Сукояр  (21 январь - 18 февраль)

    Тикшерелмәгән мәгълүматны куллану аркасында, күңелсезлекләр килеп чыгарга мөмкин. Бөтен нәрсәне җентекләп тикшерегез, кеше сүзенә ышанмагыз. Ялларда өйдәгеләрдән сюрприз көтегез.

     

    Балык  (19 февраль - 20 март)

    Балыклар һич уйламаган кешегә гашыйк булып, тиз арада гаилә дә корып җибәрергә мөмкин. Күңелегезне күтәрә торган шөгыльләр белән шөгыльләнергә тырышыгыз.

     

    Чыганак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: