"Хәбәрләр"нең махсус чыгарылышы - 13.09.2020

- Бүген бердәм тавыш бирү көнендә Баулы районы территориясендә 38 сайлау участогы үз эшен башлады. 11-12 сентябрьдә баулылар алдан тавыш бирү мөмкинлегеннән файдалана  алды.  Гимназия базасында урнашкан 1027 нче сайлау участогында сайлаучылар яхшы активлык күрсәтте.  Әлеге участокта 1026 сайлаучы кеше теркәлгән.

- Баулы районының Хәнсевәр авылында урнашкан 1051нче сайлау участогында алдан тавыш бирүнең икенче көнендә беренчеләрдән булып 84 яшьлек Саимә Шәфигуллина килде.

- Хәнсевәр авылындагы 1051нче сайлау участогында беренче мәртәбә тавыш бирүчеләр саны берәү иде. Октябрьский шәһәре уку йортында белем алучы 3нче курс студенткасы Илсөя Ибраһимова тавыш бирергә иртән үк килде. 

- Шалты авылының мәдәният йортында урнашкан 1050нче  сайлау участогында  сайлауларда  372 кеше тавыш бирәчәк.

- Бүген Баулының төньяк-көнбатыш өлешендәге “Иволга стадионында футбол ярышлары үтә. Биредә Баулы һәм Түбән Кама командалары ярыша.