Сыек камырдан йомыркалы пирог

Безгә кирәк булачак:
Он – 7 кашык
Каймак (шәһәрчә) – 200 грамм
Майонез – 1 кашык
Йомырка – 3
Тоз – 0,5 калак
Камыр йомшарткыч – 1 калак.

Эчлек өчен:
Йомырка – 4
Яшел суган – 1 бәйләм.

Эчлек өчен пешкән йомыркаларны һәм яшел суганны вак итеп турыйбыз, бергә кушып бутыйбыз.
Тирән савытка камыр өчен йомыркаларны ватып салабыз, каймак, майонез кушып, күпертәбез. Он, тоз, камыр йомшарткыч кушып, төерләр калмаслык итеп туглыйбыз.

Табага сыек камырның беразын коябыз һәм өстенә тигез итеп эчлекне салабыз. Калган камырны өстенә коеп, 180 градуска кадәр кыздырылган мичтә 45 минут пешерәбез.

Бу тәмле, туклыклы пирог тулысынча кичке ашны алыштыра ала. Шәһәр каймагы булмаса, майлы оеган сөт яисә кефир да ярый.
Тәмле булсын!

Чыганак

Фото: татар-информ