Рима Нәҗмиевадан салат рецепт

Ингредиентлар (3 литрлы бер банкага):

• помидор – банка тулганчы;

• башлы суган – 2 баш;

• лавр яфрагы – 4 данә;

• канәфер – 4 бөртек;

• кара борыч – 4 бөртек;

• уксус (9%) – 4 чәй калагы;

• үсемлек мае – 6 аш кашыгы.

Маринад:

•суга –бер литр

• тоз – 3 чәй калагы;

• шикәр комы – 4 аш кашыгы.

Әзерләү тәртибе:

1. Помидорларны телемнәп турагыз. Алдан стерилизацияләнгән 3 литрлы банкаларга помидорларны тутырыгыз. Һәр банкага 2 баш суган өстәгез (боҗралап та, ярым боҗралап та турарга була).

2. Һәр банкага 4 лавр яфрагы, 4 канәфер, 4 бөртек кара борыч салыгыз. Маринадны (1 литр суга тоз һәм шикәр комы кушып) кайнатып чыгарыгыз да яшелчәләр өстенә агызыгыз.

3. Банкаларны каплап, 7-10 минут стерилизацияләгез.

4. Стерилизация тәмамланыр алдыннан гына һәр банкага 4 чәй кашыгы 9 процентлы уксус һәм 6 аш кашыгы үсемлек мае өстәгез.

5. Банкаларны тимер капкач белән ябып куегыз. Төбе белән өскә каратып каплагыз да, тулысынча суынганчы җылы юрганга төрәп куегыз.

Хуҗабикәгә файдалы киңәшләр:

• Помидорны дөрес сайлагыз: артык йомшармаган, тыгыз помидорларны гына алыгыз – шулай иткәндә телемнәр үз рәвешен яхшырак саклый.

• Чисталык – уңыш нигезе: яшелчәләрне тутырганчы, банкаларны һәм капкачларны яхшылап стерилизацияләгез.

• Катламнар тәртибе: Яшелчәләрне банкага тыгызлап салыгыз, ә иң өске катламын суганнан ясагыз – бу закусканың формасын яхшы тотарга ярдәм итәр.

• Җылыда суынсын: Япкач, банкаларны юргана астында акрынлап гына суындырыгыз, аннары салкынча урынга (подвалга яки кладовкага) сакларга куегыз.

Тәмле булсын!

“Тәмлекәй” рубрикасына рецептларны һәм фотосурәтләрне редакциягә (Баулы, Пионер урамы, 9) китереп бирергә, 89178745619  (ватсап, макс) номерына яисә электрон адреска (saet77@mail.ru)  җибәрергә була.

Фото: Рима Нәҗмиева