Әткәй-әнкәй сүзе

Кешеләргә кылган изгелекләр бише белән кайтыр үзеңә

(Халык мәкале)

Гомер үткән саен искә төшә

Әткәй белән әнкәй сүзләре:

"Игелек кыл, балам, бар җиһанга,

Башкар күбрәк изге эшләрне.

Олыларны олы итә бел син,

Кечеләргә күрсәт мәрхәмәт.

Дөньялыкта кылган гамәлләрең

Әйтәчәкләр үзеңә: "Мең рәхмәт".

Көчсезләргә ярдәм ит син һәрчак,

Җәберләмә хайван-кошларны,

Беркайчан да гарипләрдән көлмә,

Онытмачы туган-дусларны.

Әйткән сүзең - аткан ук булырлык

Дөресен сөйлә барча кешегә.

Чит байлыкка кызыкма, син, бердә,

Хәләл көчтә яшә гомергә.

Күршең белән тынычлыкта торсаң,

Ул да сиңа булыр чын иптәш.

"Күрше хакы - тәңре хакы", - диеп,

Хәлен белеп, көн дә аралаш..."

... Балачактан сеңгән изгелекләр

Озата бара гомер-гомергә

Озак еллар буе мин аларны

Тапшырамын иң яшь буынга.

КОНКУРСКА