Баулы районында сәламәтлекләре чикле кешеләр Декадасы бара

Татар Кандызында мәдәният хезмәткәрләре "Ак калфак" татар хатын-кызлары иҗтимагый оешмасының җирле бүлекчәсе җитәкчесе Сиринә Вәгыйзова белән берлектә, сәламәтлекләре чикле кешеләр һәм өлкәннәрнең өйләренә барып, концерт куйган. Аларга авыл клубындагы иҗади түгәрәкләрдә шөгыльләнүче укучылар да кушылган. Мәсәлән, күчмә концерт төркеме Риф Асылов, Җәвидә Фәррахова, Зөбәйдә Гобәйдуллинаның өйләренә барып, шатлыклы мизгелләр бүләк иткән. Чәчәкә Сәмикова исә, тамашачы гына булмыйча, үзе дә үзешчән артистларга кушылган: үзе язган шигырьләрне укыган.

Чыганак hәм фото: социаль челтәр ВКонтакте Тумбарлы авылы группасы