Бавлы-информ

Баулы районы

18+
Рус Тат
2024 - год Семьи
Җәмгыять

Владимир Путин киләсе атнаны ял атнасы дип игълан итте

Тормышны тәэмин итү системасы — медицина оешмалары, даруханә, кибет һәм башкалар эшен дәвам итәчәк.

Киләсе атна Россиядә ял атнасы дип игълан ителде. 28 марттан 5 апрельгә кадәр дәвам итәчәк ял көннәре өчен хезмәт хакы түләнәчәк. Чара коронавирусның тиз таралу куркынычын булдырмый калу өчен кабул ителде. Бу хакта Россия Президенты Владимир Путин бүген ил халкына мөрәҗәгатендә хәбәр итте.

«Тормышны тәэмин итүнең барлык структуралары, медицина оешмалары, даруханә, кибет, банк һәм финанс хисапларын башкара торган оешмалар, транспорт, шулай ук барлык дәрәҗәдәге хакимият органнары эшләвен дәвам итәчәк. Озын яллар нәкъ менә авыруның таралу тизлеген киметү өчен каралган булуын кабатлап әйтәм», — диде ул.

Россиядә бер тәүлектә коронавирус йоктыруның 163 яңа очрагын теркәгәннәр. Россиядә ачыкланган Covid-19 йоктыру очракларының гомуми саны 658гә кадәр арткан, шуларның 29ы хастаханәдә дәваланып чыккан.

Фото:  yandex.ru

Чыганак:  https://intertat.tatar/news/kadak/25-03-2020/vladimir-putin-kil-se-atnada-b-ten-rossiyad-yal-k-nn-re-ig-lan-itte-5731639

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев