Ураза бәйрәме белән!

Рамазан аен төгәлләүче Ураза бәйрәме җир йөзенә игелек һәм шәфкать кебек гомумкешелек кыйммәтләрне тарата, яңа рухи тәҗрибә тупларга мөмкинлек бирә. Бу изге көннәрдә һәр мөэмин-мөселман ятимнәргә, мохтаҗларга, ялгызларга һәм авыруларга ярдәм итәргә ашыга. Чөнки тормышыбызның әхлакый чисталыгына бары тик игелекле гамәлләр аша гына ирешеп була.

Баулы районында инде күп еллар төрле милләт һәм дин вәкилләре дус-тату гомер итә. Киләчәктә дә бу бердәмлекнең кадерен белеп яшәргә насыйп булсын.

Хөрмәтле баулылар! Ураза бәйрәме рухи бердәмлегебезне тагын да ныгытсын, күңелләребезгә шатлык, изгелек һәм мәхәббәт иңдерсен. Изге бәйрәмебез барлык гаиләләр тормышына ямь өстәсен, шатлык-куанычлар гына китерсен! Барыгызга да ныклы сәламәтлек, күңел тынычлыгы, бәрәкәтле тормыш, ил-көнгә тынычлык телим!

Ильяс ГОЗӘЕРОВ,

Баулы районы башлыгы