Шофер, туктал һәм ял ит!
Соңгы елларда Баулы районында юл-транспорт һәлакәтләренең артуы күзәтелә. Бу автотранспорт агымының артуы белән генә түгел, хезмәт хакларын арттыру белән дә бәйле. Нәтиҗәдә, машина йөртүчеләр трассага җитәрлек ял итмичә чыга, бу фаҗигагә китерә.
Мондый хәлнең мисалы итеп, Александровка авылы янында күп тонналы автомобиль котлованга очып кергән юл-транспорт һәлакәтен китерергә мөмкин. Нәтиҗәдә, зур йөк машинасы йөртүчесе шунда ук һәлак була.
Шуны исәпкә алып, закон чыгаручы административ законнарны үзгәртте, дип хәбәр итә шәһәр прокуратурасы матбугат хезмәте.
2019 елның 26 июлендәге 216-ФЗ номерлы Федераль закон нигезендә транспорт чарасы белән идарә итү һәм ял итү вакыты нормаларын үтәмәгән яки транспорт чарасы белән идарә итү һәм ял итү вакыты өлешендә машина йөртүчеләрнең хезмәт һәм ял режимын бозган өчен административ штраф салына. Шулай итеп, машина йөртүчегә 1,5 меңнән ике мең сумга кадәр, вазифаи затларга – җиде меңнән 10 мең сумга кадәр, шәхси эшмәкәрләргә – 15 меңнән 25 мең сумга кадәр, юридик затларга 20 меңнән 50 мең сумга кадәр штраф салыначак.
Шул ук вакытта юридик затлар һәм вазыйфаи затлар, Россия Федерациясе норматив хокукый актлары таләпләрен үтәмичә, транспорт чарасы белән идарә итү һәм ял итү вакытын машина йөртүчеләр өчен фактта билгеләү нәтиҗәсендә кылынган очракта, җаваплылыкка тартылалар.
Әлеге Федераль закон 2019 елның 1 ноябреннән үз көченә керә.
Следите за самым важным и интересным в Telegram-каналеТатмедиа
Нет комментариев