Россиядә 1 апрельдән кайбер кешеләргә машина йөртү таныклыгын алыштырырга кирәк булачак

1 апрельдән "Юл хәрәкәте иминлеге турында"гы канунга кертелгән үзгәрешләр гамәлгә керәчәк. Аның нигезендә чит илдә алынган машина йөртү таныклыкларын Россиянекенә алмаштыру тәртибе һәм сроклары билгеләнә, дип белдергән "Прайм" агентлыгына PG Partners юридик компаниясенең өлкән идарәче партнеры Петр Гусятников.

"Әйтик, быелның 1 апреленнән соң Россиядә яшәү хокукы яки Россия гражданлыгын алган затларга шушы вакыттан алып бер ел эчендә Россия машина йөртү хокукын алырга кирәк", – дип аңлатты ул.
Чит илдә машина йөртү таныклыгы алган россиялеләргә дә Россия Федерациясендә яши башлаганнан соң бер ел эчендә аларны алыштырырга кирәк булачак. Белоруссия гражданнарына һәм бу илдә "права" алган россиялеләргә генә әлеге документны алыштырырга туры килмәячәк.

Төзәтмәләр машина йөртү таныклыклары шунда ук гамәлдә булмаячак дигәнне аңлатмый – аларны алыштыру өчен җитәрлек вакыт бирелә. Моны эшләмәгән гражданнарны шундый таныклык белән машина йөрткән өчен 5-15 мең сум күләмендә штраф көтә, дип сүзен төгәлләде Гусятников.
 

Чыганак

Фото: татар-информ