Миңнеханов Татарстан Президентын һәм Казан Думасы депутатларын сайлауда тавыш бирде

Татарстан Президенты Рөстәм Миңнеханов бүген көзге сайлауда катнашты. Ул КНИТУ (КАИ) бинасында урнашкан 42нче сайлау участогында тавыш бирде. Бу хакта «Татар-информ»га Татарстан Президентының матбугат хезмәте җитәкчесе Лилия Галимова хәбәр итте.

«Татарстан Республикасы Президенты сайлауда хатыны белән бергә тавыш бирде», – диде ул.

Татарстанда 11-13 сентябрьдә республика Президентын сайлау, массакүләм муниципаль сайлау, шулай ук ике округ буенча РФ Дәүләт Думасына һәм ТР Дәүләт Советына сайлаулар уза. Казан халкы, республика җитәкчесеннән тыш, Казан шәһәре Думасы депутатларын да сайлый.

Чыганак:  https://tatar-inform.tatar/news/official/13-09-2020/mi-nehanov-tatarstan-prezidentyn-m-kazan-dumasy-deputatlaryn-saylauda-tavysh-birde-5770910