Кандызлылар кышкы Сабантуйда күңел ачтылар

Татар Кандызы мәдәният йорты мөдире Айрат Хөсәенов сүзләренчә, кышкы Сабантуй районда бер авылда гына уздырыла икән. Быел кандызлылар бу чараны икенче тапкыр үткәрделәр.

“Бәйрәм җыр-биюләр белән күңелле генә башланып китте, – дип сөйләде Айрат Хөсәенов. – Матур итеп Сабантуйның традицион булган уеннары – чулмэк вату, аркан тартышу, йомырка кабып йогеру кебек уеннар уйнаттык”.

Бәйрәм чарасында Кыш бабай белән Кар кызы да катнашты, ә Сиринә Вагыйзова клоун костюмы киеп, халыкның кәефен күтәреп торды.

“Бәйрәм бик күңелле узды. Учакта тәмле плов пешереп, халыкны сыйладык. Лилия Шакирова, Динар Хөсәенов авылдашларга матур җырларын бүләк иттеләр”, – диде Айрат Хөсәенов.

Риф Габдрахманов гармун уйнап, бәйрәм ахырында барлык халыкны биетте.

Ләйсән Галимова