Баулы яшьләре конкурста катнаша ала

РФ генераль  прокуратурасы татарстанлыларны “Коррупциягә каршы бергәләп” социаль реклама яшьләр конкурсында катнашырга чакыра. Конкурс коррупциягә каршы чараларны популярлаштыру, шулай ук җәмгыятьтә әлеге социаль күренешкә тискәре мөнәсәбәтне үстерү максатыннан үткәрелә.

Конкурста катнашу өчен, “Коррупциягә каршы бергәләп” темасына плакатлар һәм видеороликлар форматында коррупциягә каршы социаль реклама әзерләргә һәм аны http://www.anticorruption.life/ рәсми порталында теркәргә кирәк.

Конкурс "Иң яхшы плакат" һәм "Иң яхшы видеоролик" номинацияләрендә уздырыла. Анда 14-35 яшьлек кешеләр катнаша ала. Эшләр 2019 елның 1 июненнән 1 октябренә кадәр кабул ителә.

Бүләкләү тантанасы, Халыкара коррупция белән көрәш көненә багышлап, декабрь аенда үткәреләчәк. Җиңүчеләрне кыйммәтле бүләкләр көтә.